Maca Geguritan Ingkang Indah lan Kebak Rasa

sumber foto: https://sregepmacajawa.blogspot.com/2019/05/a.html

Maca geguritan kudu nggatekna  wicara, wirama, wirasa lan wiraga supayaning  geguritan kuwi mau nak di rasa.  

1. Wicara (cara ucap), tegese pocapane kudu cetha, mantep ora keno ragu - ragu, pocapan lafal (a, i, o, e, tha, ta, dha, da lan sak piturute) sing bener lan jelas
2. Wirama (lagu lan intonasi), tegese banter alone pocapan lan munggah mudune intonasi kudu dilarasake karo isine sesorah.
3. Wirasa (njiwai), tegese pedhotan tembung / ukara kudu cocog karo karepe (prentah, nesu, seneng, ngenyek, getun lan liyo liyane).
4. Wiraga (ekspresi mimik), tegese polah obahing tangan, awak, polatan, rasa kudu luwes ora kaku ora ketok digawe - gawe.

Coba saiki wacanen geguritan iki ning ngomah  :

Jaman Iki Wis Banget Tuwa
Dening : Turiyo Ragil Putra

Ngger,anakku
jaman iki wis banget tuwa
kebudayaan wis rontang-ranting subasita
mung kari crita

aja maneh sinom,dhandhanggula,utawa gambuh
salirik geguritan wae wis ora ana sing nggape
kejaba kerlap-kerlipe lintang ing langit kana
sing setya ngrenggoni sepine wengi
binareng angambare cempaka sari

wis ora ana tembang kinanthi
sing mbiyen tansah methuk eseme rembulan
wis ora ana,ngger
kejaba swara tangis
saka pang-pang lan godhong melathi
sing dumadhakan ceblok
tanpa daya ngrungkebi bumi

jaman iki wis banget tuwa,anakku
aja mimpi kembang guritan ngrenggani tamanbocah angon galik-galik kehidupan

Iki ono video kanggo  sinau piye carane maca geguritan ingkang apik. Gatekno piye Wicara, wirama, wirasa, lan wiragane. Sakbanjure praktekno bola-bali. yen wes lancar,  ning ngomah  terus di praktekno ning ngarepi bapak, ibu lan ibumu.  Bapak lan ibumu di kon biji. 

Sumber video : https://www.youtube.com/watch?v=Rv5LhiUBjzk